လွယ်ဝိုးလမ် ခေါ် ကောင်ဖိုးဖြေင်း ပအိုဝ်းကျေးရွာ

တအာန်းပလောင်ကျေးရွာတွေဝိုင်းရံထားသည့် မိုင်းကိုင်မြို့နယ်ထဲက အလွန်သာယာလှပသည့် ပအိုဝ်းကျေးရွာတစ်ရွာအကြောင်းတစ်စေ့တစ်စောင်

မိုင်းကိုင်၊ မေလ(၁၈)ရက်၊ ခရဇ်နှစ်- ၂၀၁၉
တအာန်းပလောင်ကျေးရွာတွေ ဝိုင်းရံထားတဲ့ မိုင်းကိုင်မြို့နယ်ထဲက သာယာလှပတဲ့ပအိုဝ်းကျေးရွာတစ်ရွာ၏အမည်မှာ ကောင်ဖိုးဖြေင်းကျေးရွာတစ်ရွာပင်ဖြစ်ပါသည်။ တစ်နည်းအားဖြင့် "လွယ်ဝိုးလမ်"ဟုခေါ်ဆိုပြုထားကြသေးသည်။ အခြားအမည်မှာ ခေးအွံအွေ့ဟု၍လည်း ခေါ်ဆိုပြုထားကြပါသေးသည်။ ကောင်ဖိုးဖြေင်းသည် မူရင်းဘာသာစကားမှာ ပအိုဝ်းဘာသာစကားပင်ဖြစ်သည်။ ကောင်ဆိုသည်မှာ တောင်(ရှမ်းဘာသာအားဖြင့် "လွယ်"ဟုအဓိပ္ပါယ်ရသည်။ ဖိုးဖြေင်းသည် နွားနက်(ရှမ်းဘာသာအားဖြင့် ဝိုးလမ်)ဟုအဓိပ္ပါယ်ထွက်သည်။ လိုရင်းအဓိပ္ပါယ်မှာ နွားနက်တောင်(လွယ်ဝိုးလမ်)ဟု အဓိပ္ပါယ်ရသည်။း

ပအိုဝ်းတိုင်းရင်းသားတို့နေထိုင်တဲ့
ကောင်ဖိုးဖြေင်း(လွယ်ဝိုးလမ်၊ ခေးအုံအွေ့)ကျေးရွာသည် မိုင်းကိုင်မြို့၏အနောက်မြောက်အရပ်တောင်တန်းပေါ်တွင်တည်ရှိပြီး ကားဖြင့်(၁)နာရီကျော်ကြာ စီးနှင်းပြီးမှသာလျှင် ထိုကျေးရွာသို့ရောက်ရှိမည်ဖြစ်ပါသည်။ ဘေးပတ်ပတ်လည်တွင် တအာန်းပလောင်ကျေးရွာများဝိုင်းရံထားကာ ဦးဇင်းတို့လည်း ထိုကျေးရွာသို့ရောက်ရှိရခြင်းမှာ တိုင်းကောင်ကျောင်းဆရာတော်ဗွေသုမန ဖိတ်ခေါ်လို့ ၎င်းရွာကို ပထမဆုံးအကြိမ်အားဖြင့် ရောက်ဖူးရခြင်းဖြစ်ပါသည်။

ကောင်ဖိုးဖြေင်းကျေးရွာသည် ပအိုဝ်းတိုင်းရင်းသားတို့၏ရှေးရှေ့ဘိုးဘွားခေတ်ယခင်ကတည်းကမူလနေထိုင်ခဲ့သည့် ကျေးရွာကြီးတစ်ရွာပင်ဖြစ်၍ ပအိုဝ်းတိုင်းရင်းသားတို့၏ နေထိုင်ရာဒေသဧရိယာအဆုံးတွင်တည်ရှိခြင်းလည်းဖြစ်ပါသည်။ ဒေသခံရွာသူ/သားများက စစ်သားစုစောင်းခြင်းအမြဲခံနေရပြီး ဆရာတော်သုပညာက ကြံ့ကြံ့ခိုင်ခိုင် တောင့်တောင့်တင်းတင်းစိတ်ဓာတ်ရှိထား၍ ရွာ၏အိမ်ခြေ၊ ရွာ၏လူဦးရေကတိုးတထက်တိုးလာကြခြင်းဖြစ်သည်။

လဲချားမြို့နယ်ထဲက ပင်ဟုန်ကျေးရွာ၊ ဝမ်းကန်ကျေးရွာ၊ နမ့်စန်မြို့နယ်ထဲက နမ်းအွန်ကျေးရွာတို့သည် အထက်ပါ ကောင်ဖိုးဖြေင်း(လွယ်ဝိုးလမ်း၊ ခေးအုံအွေ့)ကျေးရွာမှ ပြောင်းရွှေ့လာသည့် ကျေးရွာပင်ဖြစ်ပါသည်။ ထိုသို့ပြောင်းရွှေ့သွားကြပေမည့် မူလကျေးရွာက လျော့နည်းမသွားပဲ ရွာကပို၍ပင် ကြီးသထက်ကြီးလာနေသည်ဟု ဒေသခံတွေကပြောဆိုကြသည်။

ကျေးရွာသူ/သားတို့က မူရင်းပအိုဝ်းဘာသာစကား၊ ရှမ်းဘာသာစကား၊ တအာန်းပလောင်ဘာသာစကား စကားသုံးမျိုးလုံးကို ပြောဆိုသုံးနှုန်းတတ်ထားကြ၍ အလွန်စိတ်ဝင်စားစရာကောင်းလှသည်မှာ အမှန်ပင်ဖြစ်သည်။ မိုင်းကိုင်မြို့နယ်တွင် ပင်ဖျူး၊ နောင်ဟွယ်၊ ကောင်လုံ၊ သဲုင်ခေါဝ်၊ ပုံသဲုင်၊ ပါးရေးပါးပန် အစရှိသည့်ကျေးရွာတို့သည်လည်း ပအိုဝ်းတိုင်းရင်းသားတို့ကျေးရွာအများအပြားပင်ရှိပါသည်။ သီပေါမြို့နယ်တွင် လွယ်ခွိုကျေးရွာသည် ပအိုဝ်းကျေးရွာပင်ဖြစ်သည်။

ယနေ့သည်လည်း ရဟန်းခံရှင်ပြု၊ ကျောင်းရေစက်ချပွဲကျင်းပ၍ တိုင်းရင်းသားပေါင်းစုံတို့ဖြင့် အလွန်စည်ကားလှသည်။ ကျေးရွာသည် အလွန်သာယာလှပသည့် တောင်တန်းပြာပေါ်တွင်တည်ရှိပြီး အရောက်လှမ်းလာခဲ့ကြပါလို့ လှိုက်လှဲပျူငှာစွာဖိတ်ခေါ်ပြုရင်းဖြင့် သည်မျှနင့်ပဲရပ်နားခွင့်ပြုပါရစေ....

တက္ကသိုလ်ခွန်အားသစ် ဖေ့ဘုတ် စာမျက်နှာမှ ပြန်လည် မျှဝေပါတယ်။