သာႏယာႏငါႏ နီပအိုဝ်ႏရပ်ရာႏ

                                     "သာႏယာႏငါႏ နီပအိုဝ်ႏရပ်ရာႏ"

ကဲင်းထွားစံꩻမွိုန် ပအိုဝ်ႏရပ်ရာႏဒေႏသကို ဗွိုင်စွဉ်ႏ ကဝ်ႏပကီꩻ ဆရာႏစူခြောင်ႏသနယ်ꩻယို

         အောဝ်ႏလွဉ်ထွာလွဉ်အတွိုင်ႏ တောမ်ႏကောင်တောမ်ႏဆောင်ႏသꩻဘာဝယို
အတွိုင်ႏ  ဗွိုင်တောမ်ႏ ကောဝ်ႏပကီꩻဆရာႏ တဲမ်းထွို့ꩻခါႏသွူ။  သဘာဝရှုခင်း
နီပအိုဝ်ႏရပ်ရာႏကို နီနာꩻမူႏခို အောဝ်ႏလိုႏထိန်ꩻ

သိမ်ꩻကို နီဒေႏသ နီဟံႏနယ်ꩻကို လိုꩻမျိုꩻလင်ꩻ လွဉ်ဖြေႏစာဖုံႏယို နီပအိုဝ်ႏ အဝ်ႏလိုႏအွဉ်သꩻတိဝင်ႏသွူ။

နီနာꩻပအိုဝ်ႏ ကပဲင်ႏဆဲင်ႏ ကပဲင်ႏခါႏ ဟံႏယာႏ လုဲင်းခြံ သွို့ꩻယာစတဲင်ဖုံႏယို လူမျိုꩻလင်ꩻ စူကို အဝ်ႏစာငီꩻငါမွိုန်းဝင်ꩻ ဖေႏသꩻတိဗာႏနုဲင်းယိုသွူ။ လိုꩻမျိုꩻလင်ꩻ မဉ်းထွာပဲင်းဆဲင်ႏအာလွဉ် နီရပ်ကိုနဝ်ႏ နီနာꩻပအိုဝ်ႏယိုလဲ့ ကွဲးညည ဝင်ꩻမျော့ꩻထိုႏဒါႏသွူ။ ဥပမာႏ တဲက်တွိုင်ႏနယ်ꩻနဝ်ႏ ယိုခါဝေင်ꩻတောင်ႏကီꩻကို ပွိုင်းလဲဉ်ႏစခါ  ပအိုဝ်ႏလိုꩻမျိုꩻ အဝ်ႏအာကီရိုꩻလဲ့ ယိုခါကွဲထိုႏထိုႏမာႏလွဉ်လဲင်းသွူ။ ဝင်ꩻတွိုႏခꩻတောမ်ႏ ရွဉ် ဝင်ꩻမွဉ်တောမ်ႏခံႏ
နီနာꩻပအိုဝ်ႏအဝ်ႏလိုႏသꩻတိဗာႏဝင်ꩻ ခွန်နင်ႏသီႏဖုံႏဩ။ ဝေင်ႏတောင်ႏကီꩻ အသောင်

အရင်ꩻ ပအိုဝ်ႏဒုံဆောင်ႏနုဲင်းယိုခါ ဝင်ꩻဝါးထိုႏလဲင်းတောမ်ႏ ရွဉ်ခံႏ နီနာꩻအဝ်ႏလိုꩻ
ထွားစဲင်းစဲင်းလဲင်းဝင်ꩻ သနယ်ꩻ နီနာꩻပအိုဝ်ႏပိုဖုံႏဟွေး။  လိတ်တဲမ်းသား ခွေသွဉ်း လိုꩻမျိုꩻအလောင်း သꩻစွယ်ႏနုဲင်းနောဝ်ꩻ မွေးတဝ်းသွူ။ ခိုးယျာႏငါႏ နီပအိုဝ်ႏ ဟံႏနယ်ꩻ ကွဲးအဲင်ႏအဲင်ႏသဲင်ꩻလဲဉ်းသွူ အကျောင်ꩻ မဉ်ဒေါ့ꩻငါႏနုဲင်းနဝ်ꩻသွူ။

ကသာႏယာႏငါႏ နီပအိုဝ်ႏရပ်ရာႏယို ပအိုဝ်ႏတွိုင်ႏစွုမ်ႏဖြာႏဖြာႏ တာႏဝွန်ႏအဝ်ႏငါႏသွူ။

နီပအိုဝ်ႏရပ်ရာႏ ယံကသာႏယာႏထဲင်းထဲင်းနဝ်ꩻ တွူႏတရန်သွော့ဝင်ꩻ
 တမာလောဝ်းဟွိုန်ဗာႏနုဲင်းယိုသွူဩ။

  ကေႏဇူႏတင်ႏငါႏဩ။

   ခွန်အောင်ႏစွုမ်ႏဗွေ

         ၁၀၊၀၇၊၂၀၁၆
ဓာတ်ပွုံꩻ - ခွန်ဆန်းဦး

                                >> မူလလိတ်မဲ့ငါ <<

  နမ်းသꩻနီပါႏ ယံအုံဟောဝ် ခြိုင်ႏသန်ꩻသွော့ꩻဝင်ꩻ ဖုံႏဩ။